Ukiuni 2006, 2007 aamma 2008-mi tunisassiornermi
atuinermilu (Input-Output) tabelit
Decembarip qiteqqunnerani tunisassiorneq
aallaavigalugu nuna tamakkerlugu naatsorsuutit saqqummiunneqarnerannut
uiggiullugu, Naatsorsueqqissaartarfik matumuuna Input-Output tabelinik
saqqummiussivoq, ukiuni inaarutaasumik naatsorsuuteqarfiusunut.
Input-Output tabelinik suliaqarnerup siunertaraa
kisitsisinik atuisartut periarfissinniarlugit paasissutissanik taavalu
misissuinerni paasisimalikkanik, tunisassiorneq aallaavigalugu nuna
tamakkerlugu naatsorsuutininngaaneersunit, atuilluarnerusinnaanissaannik.
Input-Output tabeli
suua?
Input-Output tabelip imarivai paasissutissat
inuiaqatigiit tunisassioriaasiannut tunngasut, taavalu nioqqutissianik
kiffartuussinernillu atueriaatsinik tunngasut. Taamaalilluni tabelit nuna
tamakkerlugu naatsorsuutinut erseqqissaanertut isigineqarsinnaapput.
Tabelimi takuneqarsinnaavoq inuutissarsiorfiit
ataasiakkaat nioqqutissanik sullissinernillu inuutissarsiorfinnit allaniit
pissarsisarnerat, aammalu nioqqutissanik sullissinernillu avataaniit
eqqussukkanik pissarsisarnerat. Aammattaaq tabelimi takuneqarsinnaapput
atueriaatsit, soorlu inuinnaat, pisortat imaluunniit aningaasaliinerit,
inuussutissarsiuteqarfinniit ataasiakkaaniit nioqqutissanik nammineq
tunisassianik taavalu eqqussukkanik pissarsisarnerat.
Saqqummersitanittaaq takuneqarsinnaapput
amerlisaatinik (multiplikatorer) taaneqartartut, tassaasut Input-Output tabeli
tunngavigalugu naatsorsugaasartut. Amerlisaatit atorlugit
naatsorsorneqartarput, toqqaannartumik toqqaannanngitsumillu sulisoqarnikkut
atorfissaqartitsinerup aammalu nioqqutissanik sullissinernillu eqqussuinerulernissamik
pisariaqartitsinerup qanoq annertutigisinnaaneri, atorfissaqartitsineq
ataatsimik qaffakkaangat.
Pdf-fiili
Ukiuni pingasuni paasissutissat saqqummiunneqartut
pdf-fiilinngorlugit Naatsorsueqqissaartarfiup nittartagaani www.stat.gl-mi
pissarsiarineqarsinnaapput.
Excel-fiili
Input-output tabelit aammattaaq excel-fiilinngorlugit
Naatsorsueqqissaartarfiup nittartagaani www.stat.gl-mi
aaneqarsinnaapput.
Emailikkut
pisartagaqalerit
Qarasaasiakkut nutaarsiassaqartitsivitsinnut
ilanngugit e-mail una bova@stat.gl
allagaqarfigalugu.
Apeqqutissaqaruit Naatsorsueqqissaartarfiup pisortaa
Anders Blaabjerg e-mailikkut abla@stat.gl
(oqarasuaat 36 23 72) saaffiginnissinnaavutit.
Inussiarnersumik
inuulluaqqusillunga
Anders Blaabjerg
Naatsorsueqqissaartarfiup
pisortaa